NUUT BY ONS

Ons bestaan om God te ken en Hom bekend te maak,
terwyl ons mekaar liefhet.

Ons wil jou help om te GLO in Jesus, GEBORGE  te wees in 'n geestelike familie, te GROEI in jou geloof en om te GAAN en 'n verskil te maak.

GLO in Jesus

Dit beteken om jou hoop en volle vertroue in Jesus te plaas deur jou lewe oor te gee aan Hom en Hom die Leier en Verlosser van jou lewe te maak.

GEBORGE in familie

Wanneer ons in Jesus glo word ons deel van sy familie. Ons ontwikkel betekenisvolle vriendskappe met ander mense wat Jesus volg sodat ons saam op hierdie geestelike reis mekaar kan liefhê, help en ondersteun.

GROEI in jou geloof

Wanneer ons groei in ons geloof, skuif die fokus van self-gesentreerd na Jesus-gesentreerd. In 'n al hoe groter mate glo ons sy woorde, ontwikkel en volg ons sy karakter en doen ons wat Hy ons vra. Ons leef in groter vryheid en oorwinning.

GAAN maak 'n verskil

God nooi ons om saam met Hom 'n verskil te maak in ander mense se lewens. Hy het ons gevorm en ontwerp met 'n doel en wil hê ons moet van onsself gee, ander mense dien, en sy liefde aan hulle bewys.

Aanlyn Dienstye

Sondagoggende

09:30

Sondae Aande

18:30

Wat om te verwag

As gevolg van die huidige inperkings regulasies en toestand van die pandemie in ons land, het ons besluit om al ons dienste aanlyn te hou tot ten minste die einde van die eerste kwartaal. Ons wil graag bydra tot die oplossing uit liefde vir ander mense om ons en nie 'n rede word tot verdere verspreiding van die pandemie nie. Ons sien uit na die dag wat ons weer saam bymekaar kan kom by die kerk vir dienste!

Ons aanlyn dienste is omtrent 1 uur lank en bevat 'n paar liedjies deur ons musiekspan en 'n preek vir die week. Ons preke vorm gewoonlik deel van 'n reeks waar ons 'n tema oor 'n paar weke bestudeer. Jy is welkom om ook na die vorige preke in die reeks te kyk. Ons dienste is beskikbaar op die Kerkaanlyn Platvorm waar jy interaktief kan deelneem aan die diens of jy kan die diens kyk op ons YouTube kanaal.